ललितपुर महानगरपालिकाको सक्रियतामा आज लगनखेल क्षेत्रमा रहेका अवैध तथा अनधिकृत संरचनाहरू भत्काउने कार्य तीव्र रूपमा अघि बढाइएको छ। ललितपुर नगर प्रहरी बलको उपस्थितिमा नगरपालिकाको अनुगमन टोलीले सार्वजनिक बाटो, पैदलमार्ग तथा खुला स्थानमा अवरोध पुर्याउने गरी निर्माण गरिएका संरचनाहरू हटाउने कार्य सुरु गरेको हो। नगरपालिकाले विगत केही सातादेखि सूचना जारी गर्दै स्वेच्छाले संरचना हटाउन अनुरोध गर्दै आए पनि अटेर गर्नेहरूमाथि कडाइका साथ कारबाही थालिएको जनाएको छ। यस अभियानले सार्वजनिक क्षेत्रको संरक्षण तथा सहरी व्यवस्थापनमा सकारात्मक प्रभाव पार्ने अपेक्षा गरिएको छ। स्थानीय बासिन्दाहरूले समेत यस कदमलाई स्वागत गर्दै सहरी सौन्दर्य र व्यवस्थापनका लागि यस्तो पहल आवश्यक भएको बताएका छन्।
लगनखेल स्थित संरचनाहरु भत्काईदै ललितपुर नगर प्रहरी बल
