✨ यस नाचमा शाक्य तथा बज्राचार्य समुदायको सक्रिय सहभागिता रहन्छ। अष्टमातृका देवीहरू—
🌺 बाराही, चामुण्डा, ब्रह्मायणी, माहेश्वरी, कौमारी, वैष्णवी, इन्द्रायणी र महालक्ष्मी
सँगै भैरव, गणेश, कुमार, सिंहिनी र ब्याङ्गिनी देवताहरूको पनि विशेष भूमिका रहन्छ।
🎭 यसमा १३ जना देवगण (नर्तक) र १३ जना पञ्चताल वाद्यवादक सहभागी हुन्छन्। प्रत्येक देवता तथा देवीलाई प्रतीकात्मक रङ र पहिरनले चिनाइन्छ।
⚪ सेतो – सिंहिनी, गणेश र माहेश्वरी
🔵 नीलो – भैरव
🔴 रातो – कुमार, कौमारी र महालक्ष्मी
🟡 पहेँलो – ब्रह्मायणी
🔴 चम्किलो रातो – बाराही, चामुण्डा र ब्याङ्गिनी
🟠 सुन्तला – इन्द्रायणी
🟢 हरियो – वैष्णवी
👑 मल्लकालदेखि चलिआएको यो परम्परा राजा श्री निवास मल्लसँग जोडिएको मानिन्छ। राजा सिद्धिनरसिंह मल्लका पुत्र श्री निवास मल्लले आफ्नै राजदरबारको मूलचोकमा मातृदेवीहरू नृत्य गरिरहेको सपना देखेपछि देशमा शान्ति, सुरक्षा र समृद्धि कायम रहोस् भन्ने उद्देश्यले यो नाच सञ्चालन गर्न आदेश दिएको जनश्रुति छ। नाचको पवित्रता र धार्मिक अनुशासन कायम राख्न देवगणहरूले कपाल काट्ने, उपवास बस्ने तथा दैनिक रूपमा विभिन्न कठोर धार्मिक विधि पालना गर्ने परम्परा छ। भारी मुखौटा र आकर्षक पोशाक लगाएर गरिने यो नृत्य शारीरिक रूपमा चुनौतीपूर्ण भए पनि पुस्तौँदेखि पाटनको जीवित सांस्कृतिक सम्पदाका रूपमा निरन्तर चलिरहेको छ।
Pic Photokhichuwa
